Իսպանիայում հարբած վարորդը վրաերթի է ենթարկել անցորդներին, որոնք զբոսնում էին հետիոտնի համար նախատեսված գոտում։ Դրանից հետո նա բախվել է մի քանի ավտոմեքենաների։ Ընդհանուր առմամբ, 7 մարդ է տուժել։ Այս մասին հաղորդում է «ՌԻԱ Նովոստի»-ն՝ վկայակոչելով Europa Press-ը։
Միջադեպը տեղի է ունեցել Մարբելյայում (Մալագա նահանգ)։ Ավտոմեքենան, որում երկու բրիտանացիներ են եղել, կանգնեցրել են քաղաքացիական գվարդիայի աշխատակիցները, սակայն վարորդը չի ենթարկվել։ Իրավապահները սկսել են ավտոմեքենայով հետապնդել նրանց։ Հարբած վարորդի ավտոմեքենան հայտնվել է Պուերտո Բանուս հետիոտների համար նախատեսված փողոցում եւ վրաերթի ենթարկել երեք հետիոտնի, սակայն կանգ չի առել։ A-7 ավտոմայրուղում նա բախվել է մի քանի մեքենաների, որտեղ գտնվող 5 մարդիկ եւս տուժել են։
Ի վերջո քաղաքացիական գվարդիայի աշխատակիցներին հաջողվել է կանգնեցնել ավտոմեքենան, վարորդն ու ուղեւորը ձերբակալված են։ Ձերբակալվել են նաեւ միջադեպին մասնակցություն ունենալու մեջ կասկածվող եւս 4 անձինք։