Մանչեսթերի ահաբեկչության հետաքննության շրջանակում բրիտանական ոստիկանությունը եւս մեկ կասկածյալի է ձերբակալել: Այս մասին ասված է ոստիկանության Twitter-ի պաշտոնական էջում հրապարակված հաղորդագրությունում:
«Այսօր առավոտյան «Մանչեսթեր Արենա»-ի հարձակումը հետաքննող ոստիկանության աշխատակիցները Շորհեմ բայ Սի քաղաքում (Սուսեքս) 23-ամյա տղամարդու են ձերբակալել՝ ահաբեկչության մասին օրենքը խախտելու կասկածանքով»,- ասված է հաղորդագրությունում:
Այսպիսով, կալանքի տակ է 14 մարդ: Հետաքննության ընթացքում, ընդհանուր առմամբ, 16 մարդ է ձերբակալվել, 2-ին ազատ են արձակել՝ առանց մեղադրանք առաջադրելու:
