Իռլանդիայի Քորք քաղաքի ուսանողները հանրակացարանում երեկույթ են կազմակերպել։ Տեղի լրատվամիջոցները հաղորդում են, որ այնտեղ նաեւ սատկած դելֆին է «ներկա գտնվել»։
Երեկույթից հետո կաթնասունին նետել են պատուհանից։ Դեռ հայտնի չէ, թե որտեղ են երիտասարդները գտել սատկած դելֆինին, հաղորդում է Life-ը։ Երեկույթի լուսանկարները երիտասարդները հրապարակել էին Snapchat սոցկայքում, սակայն շուրջ երեք օր անց ջնջել են։
Դեպքը տեղի է ունեցել Քորքի տեխնոլոգիական համալսարանի հանրակացարանում, սակայն դելֆինն այնտեղ է հայտնվել ոչ թե ուսանողների, այլ հյուրերից մեկի միջոցով։