Երեկ երեկոյան աշխարհի տարբեր անկյուններից մարդիկ հետևում էին «Ավրորա» համաշխարհային մարդասիրական շարժման մրցանակաբաշխության արարողությանը։ «Ավրորա» մրցանակաբաշխությունը՝ մատնանշելով մարդասիրություն քարոզող հերոսներին, ևս մեկ անգամ հիշեցրեց բոլորին մարդասիրական գործունեության, հասարակական պատասխանատվության ու սիրո կարևորության մասին։ Լինելով աշխարհի բնակիչ ու հասկանալով՝ թե որքան կարևոր է մեզանից յուրաքանչյուրի դերը աշխարհի խաղաղության ու բարեկեցության համար, այս օրերին PicsArt ֆոտոխմբագրման հավելվածի և սոցիալական ցանցի բազմաթիվ օգտատերեր աշխարհին ներկայացնել են իրենց կողմից պատրաստված մարդասիրական գաղափարներ քարոզող նկարներ։  

Հիշեցնենք, որ հանրահայտ PicsArt ֆոտոխմբագրման հավելվածն ու սոցիալական ցանցը՝ միանալով «Ավրորա» համաշխարհային մարդասիրական շարժմանը, իր օգտատերերին ներկայացրել էր «Ավրորա» սթիքերների փաթեթ՝ մարդկանց հնարավորություն ընձեռելով արտահայտել իրենց աջակցությունը համընդհանուր մարդասիրությանը։ Առավել հիշարժան նկարները PicsArt-ը հրապարակել է իր ֆեյսբուքյան էջում: