Մայիսի 29-ին ճապոնական Կագոսիմա պրեֆեկտուրայում գրանցվել է Սակուրաձիմա հրաբխի հզոր ժայթքում։ Ծխի ու շիկացած մոխրի սյունը բարձրացել էր 3400 մետր։ Զոհերի ու նյութական վնասի մասին տեղեկություններ առայժմ չկան։
Ըստ հրապարակված տվյալների՝ մայիսի 26-ից սկսած մի քանի մանր ժայթքումներ էլ են գրանցվել։
Սակուրաձիման գործող հրաբուխ է , որը գտնվում է Կյուսյու կղզու Օսումի թերակղզու վրա։ Հրաբխի մակերեսը 77 քառ․կմ է։ Հրաբուխն ունի երեք գագաթ։