«Աշխարհում ոչ մի կարեւոր խնդիր չի կարող լուծվել առանց Ռուսաստանի մասնակցության»։ Այս մասին հայտնել է Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ բանակցությունների արդյունքներով։
Նա նաեւ ցանկություն է հայտնել ամրապնդել Ռուսաստանի հետ փոխգործակցությունը Սիրիայի հարցով։ Նրա խոսքով, Սիրիայի ճգնաժամը հաղթահարելու համար «անհրաժեշտ է փնտրել ներառական քաղաքական լուծում»։ Մակրոնը Պուտինին շնորհակալություն է հայտնել Ֆրանսիա այցելելու համար։
Փարիզը շահագրգռված է Մոսկվայի հետ համագործակցությունն աշխուժացնելու հարցում, նշել է Մակրոնը։
Նախագահների բանակցությունները տեւել են 2 ժամ 45 րոպե։