Ֆրանսիայի ու Ռուսաստանի նախագահներ Էմանուել Մակրոնն ու Վլադիմիր Պուտինը Ֆրանսիայում բանակցությունների ընթացքում քննարկել են ուկրաինական ճգնաժամն ու Սիրիայում կարգավորման հնարավորությունը, հայտնում է RNS-ն։
«Անդրադարձել ենք նաեւ Հյուսիսային Կորեայում միջուկային խնդրի շուրջ ստեղծված իրավիճակին»,- ասել է Պուտինը ամփոփիչ համատեղ մամուլի ասուլիսի ժամանակ։
Պուտինի խոսքով կողմերը «լի են վճռականությամբ համատեղ որոնել այդ խնդիրների լուծումները»։ Բացի դրանից Մակրոնը առաջարկել է ստեղծել աշխատախումբ ու փոխգործակցություն հարթել Ռուսաստանի հետ ահաբեկչության դեմ պայքարում։
Պուտինը Մակրոնին հրավիրել է Ռուսաստան այցելել։ «Ցար Պետրոսը Ֆրանսիայում է հյուրընկալել մի քանի շաբաթ։ Ես էլ պարոն նախագահին եմ Ռուսաստան հրավիրում ու հուսով եմ՝ նա կկարողանա մի քանի շաբաթ Մոսկվայում անցկացնել»,- ասել է Պուտինը։