Ֆրանսիայի նախագահ Էմանուել Մակրոնը Ռուսաստանի նախագահ Վլադիմիր Պուտինի հետ հանդիպման արդյունքներով մամուլի ասուլիսի ժամանակ RT հեռուստաալիքն ու Sputnik գործակալությունն անվանել է «կեղծ քարոզչության մարմիններ», փոխանցում է RSN-ը։

«RT-ը ու Sputnik-ը տարածում են կեղծ տեղեկություններ, զրպարտանք ու իմ կարծիքով նրանք իրավունք չունեին տեղ գտնել իմ նախընտրական շտաբում․․ Նրանք իրենց պահում էին ազդեցության ու կեղծ քարոզչության մարմինների նման։ Ոչ ավել, ոչ պակաս»,- ասել է Մակրոնը, պատասխանելով այն հարցին, թե ինչու որոշ ռուսական լրատվամիջոցներին չեն թույլատրել մտնել նրա նախընտրական շտաբ։