Պատժամիջոցները ոչ մի կերպ չեն օգնի կարգավորել ուկրաինական ճգնաժամը։ Այս մասին հայտնել է Ռուսաստանի նախագահ Վլադիմիր Պուտինը Ֆրանսիայի նախագահ Էմանուել Մակրոնի հետ բանակցություններին հաջորդած մամուլի ասուլիսի ժամանակ, փոխանցում է RNS—ը։
«Դրա համար էլ ես դիմում եմ եւ ձեզ, եւ Ֆրանսիայի լրատվամիջոցների ներկայացուցիչներին՝ պայքարեք համաշխարհային տնտեսությունում զանազան սահմանափակումները չեղարկելու համար»,- ասել է Պուտինը՝ պատասխանելով պատժամիջոցների մասին լրագրողի հարցին։
Նա նշել է, որ միայն սահմանափակումների չեղարկումը, ազատ շուկան, ազատ մրցակցությունը կարող են օգնել համաշխարհային տնտեսության զարգացմանը ու գործազրկության դեմ պայքարին, նաեւ այլ խնդիրների լուծմանը։