Samsung ընկեությունը հրապարակել է տեսագրություն՝ ցուցադրելով աշխարհի առաջին ձգվող AMOLED-էկրանը։ Էկրանի նախատիպը ցուցադրվել է Display Week 2017 ցուցահանդեսում, սակայն արտադրողը չէր բացահայտել մշակման բոլոր մանրամանսերը։ Հայտնի է, որ այն ունի 9․1 դյույմ անկյունագիծ ու դիմանում է ձգմանը, ճկմանը ու այլ դեֆորմացիաների, հայտնում է Lenta-ն
Ի տարբերություն Samsung-ի նախկին մշակումների՝ նոր էկրանը ճկվում է երկու ուղղություններով։ Նշում են, որ այն կարելի է 12 մմ սեղմել՝ առանց վնասելու վտանգի, որից հետո այն նորից կստանա իր նախնական ձեւը։ Ընդ որում պանելը չի դադարում աշխատել։ Samsung-ում վստահ են, որ ճկվող էկրանները կարելի է օգտագործել կրվող էլեկտրոնիկայի, մեքենաների մեջ եւ շատ այլ ոլորտներում։ Սակայն ընկեությունը առայժմ մտադիր չէ այդ տեխնոլոգիան կիրառել իր արտադրանքում։
2017-ի մարտին Samsung Հարավային Կորեայում գրանցել է Galaxy X ապրանքանիշը։ Ըստ լուրերի՝ այդ անվանման տակ ընկերությունը մտադիր է թողարկել ծալովի կամ ճկվող էկրանով առաջին սմարթֆոնը։