Մոսկվայի ավիացիոն ինստիտուտը շարունակում է համագործել հայկական գիտակրթական հաստատությունների հետ: NEWS.am-ի թղթակցի հետ զրույցում այս մասին հայտնեց ինստիտուտի ռեկտոր Միխայիլ Պողոսյանը:
Համագործակցում են, մասնավորապես, Հայաստանի Գիտությունների ազգային ակադեմիայի հետ: ԳԱԱ Մեխանիկայի ինստիտուտի հետ Պողոսյանը հուշագիր է ստորագրել 2013 թվականին, դեռեւս «Միացյալ ավիաշինական կորպորացիա» ընկերության ղեկավարի պաշտոնում («Սուխոյ» ավիաշինական ընկերության գլխավոր բաժնետերը):
Այսպես թե այնպես, Միխայիլ Պողոսյանը Հայաստանի հետ կապերը չի կտրում նաեւ նոր պաշտոնում: «Շարունակում ենք համագործակցել նաեւ Երեւանի պետհամալսարանի, Պոլիտեխնիկական համալսարանի, Սլավոնական համալսարանի հետ: Իհարկե, դեռ վաղ է խոսել համատեղ ուսումնական ծրագրերի մասին, բայց աշխատանքը շարունակվում է»,- հայտարարեց նա: