Կայքերում եւ հավելվածներում վիրտուալ իրականության ավելի շատ տարրեր կհայտնվեն: Երեւանում անցկացվող BarCamp 2017 ՏՏ ֆորումի ընթացքում NEWS.am-ի թղթակցի հետ զրույցում այս մասին հայտնեց Էդգար Հարությունյանը:
Էդգարը ծնվել ու մեծացել է ԱՄՆ-ում, ավարտել է Կոլումբիայի համալսարանը: Վերջերս Հայաստան է փոխադրվել՝ հիմնադրելով Resquared սթարթափը:
Վիրտուալ իրականությունն ավելի ու ավելի հաճախ են օգտագործում այնտեղ, որտեղ օգտատիրոջ համար կարեւոր է ամեն ինչ սեփական աչքերով տեսնել:
«Ակնհայտ շուկաներ կան, օրինակ՝ բժշկությունն ու տուրիզմը: Հայաստանում, օրինակ, ավելի շատ VR կարող էին ավելացնել «Տաթեւեր»-ում: Եվս մեկ կարեւոր ուղղություն են հեռուստակոնֆերանսները»,- նշեց նա:
Ընդ որում, ըստ Հարությունյանի, վիրտուալ իրականության ակնոցի գինն օգտատերերին չի շփոթեցնում. դրանք աստիճանաբար էժանանում են: Հիմա արդեն կարելի է VR ակնոց ձեռք բերել 120 դոլարով. շատ ավելի էժան, քան շատ այլ ժամանցի դիվայսներ: