ԱՄՆ արդարադատության նախարարությունը Սպիտակ տանից լուրերի արտահոսքի հետաքննության շրջանակում թույլատրել է հետեւել մի շարք լրագրողների: Այս մասին գրում է New York Post-ը՝ վկայակոչելով անանուն աղբյուրը:
Հաղորդվում է, որ հսկողության օբյեկտ դարձած լրագրողները գաղտնի տեղեկություններ տարածած անձից լուրեր ստացողներն են եղել: Սպիտակ տան վարչակազմում կարծում են, որ, ամենայն հավանականությամբ, նա զինվորական պաշտոնյա է, որը բարձր պաշտոն է զբաղեցրել հետախուզական ծառայությունում, բայց արդեն թոշակի է անցել:
Ենթադրվում է, որ նա տեղեկություններ է ստացել Բարաք Օբամայի աշխատակազմի հեռանալուց հետո Սպիտակ տանը մնացած պաշտոնյաներից: Աղբյուրի փոխանցմամբ՝ խոսքը երեք աշխատակքի մասին է, որոնց կա՛մ արդեն հեռացրել են ծառայությունից, կա՛մ դա կանեն առաջիկայում: