Հայաստանն աշխատում է երկիրը շրջանցող տրասնպորտային եւ էնեգտեիկ նախագծերի այլընտրանքային՝ Հյուսիս-Հարավ միջանցքի ուղղությամբ։ Այս մասին NEWS.am-ի թղթակցի հետ զրույցում ասաց ՀՀ էներգետիկ ենթակառուցվածքների եւ բնական պաշարների փոխնախարար Հայկ Հարությունյանը։
Խոսելով այն մասին, որ Հայաստանը շատ դեպքերում քաղաքական պատճառներով դուրս է մնում տարածաշրջանային էներգետիկ ծրագրերից, ինչպես, օրինակ Բաքու-Թբիլիսի-Ջեյհան, Հարությունյանը նշեց. «Պարզ է, որ եթե նավթա եւ գազատարների ստեղծման համար կա ուղիղ, ավելի մատչելի ճանապարհ, եւ քաղաքական պատճառներով այդ ճանապարհը չի օգտագործվում, միանշանակ, դա չի կարող արդարացվել։ Սակայն մենք բոլորս հասկանում ենք, թե ինչ պատճառներով է դա արվում եւ աշխատում ենք այլընտրանքային նախագծի ուղղությամբ՝ Հյուսիս-Հարավ միջանցքի։ Մենք լուրջ տարանցիկ երկիր դառնալու իրական հնարավորոթյուններ ունենք»։ Այսինքն՝ Հայաստանը, փոխնախարարի համաձայն, նման նախագծերում իրեն շրջանցելն անցնակալի քայլ է համարում եւ այլընտրանքային ուղղության շուրջ աշխատանքներ տանում։
«Իհարկե, ափսոս, որ մեր տարածաշրջանում կան ենթակառույցներ, որոնք չեն գործածվում՝ ելնելով քաղաքական նկատառումներից։ Էներգետիկան քաղաքական իրադրությունից պետք է մի փոքր բարձր լինի, քանի որ էներգետիկայի մատչելիությունը մարդու հիմնարար իրավունքն է, այլ ոչ թե շքեղություն։ Եւ եթե որեւէ երկրում էներգիայի մատչելի աղբյուր գոյություն ունի, որը կարելի է արտահանել, դրա իրականացման համար անհրաժեշտ է ստեղծել բոլոր պայմանները։ Իսկ դա իր հերթին կարող է դրական նախադրյալ դառնալ երկրների միջեւ հարաբերությունների հետագա զարգացման համար»,- ընդգծեց Հայկ Հարությունյանը։