Չինաստանը մշակում է բազմակի գործածման տիեզերական սարք, հայտնում է «Սինհուան»։
Չինաստանի աէրոտիեզերական գիտության ու արդյունաբերության կորպորացիայի փոխտնօրեն Լյու Շիցյուանի խոսքով, հիմա արդեն ավարտվել են շարժիչի ու որոշ առանցքային տեխնոլոգիաների ցամաքային փորձարկումները։ Նա նշել է, որ Չինաստանին հաջողվել է մեծ առաջխաղացման հասնել տիեզերական թռիչքների ոլորտում։ Մասնավորապես հաջողվել է մշակել հուսալի ու արժեքով հասանելի հրթիռակիր։
Բացի դրանից, նա հիշեցրել է, որ մինչև տարեվերջ ակնկալվում է ևս մեկ հրթիռակրի արձակում։ Այսպիսով միանգամայն հավանական է, որ տիեզերական հրթիռակիրները կսկսեն աշխատել որպես «ռեյսային ավտոբուսներ», նշել է Լյու Շիցյուանը։
Ինչ վերաբերում է տիեզերքից Երկիր վերադառնալուն, ապա նա նշել է, որ բեռնատար վերադարձվող սրվակի ստեղծման աշխատանքները հաջողությամբ իրականացվում են ու այն պատրաստ կլինի 2019-ին։