Թեթեւ արդյունաբերությանը պետք է խթաններ առաջարկել շրջաններում աշխատելու համար: Հունիսի 8-ին՝ կառավարության նիստի ժամանակ այս մասին հայտարարեց վարչապետ Կարեն Կարապետյանը:
Պետությունը պետք է աջակցի տեքստիլ, կաշվի եւ կոշիկի արդյունաբերությանը, նաեւ գորգագործությանը, հավելեց վարչապետը: Սրա հետ կապված նա ֆինանսների նախարար Վարդան Արամյանին ու տնտեսական զարգացման եւ ներդրումների նախարար Սուրեն Կարայանին հանձնարարեց 2 շաբաթում առաջարկներ ներկայացնել ներդրողների համար պայմանների բարելավման մասին:
Անհրաժեշտ է հասկանալ՝ արդյոք կարելի է բիզնեսին սուբսիդիաներ եւ արտոնություններ առաջարկել, եւ ինչ սահմաններում: Երեւանի սահմաններից դուրս պետք է արտոնություններն ավելի մեծ լինեն, քանի որ շրջաններում զբաղվածության խնդիրն առավել սուր է դրված, նշեց Կարապետյանը:
«Դրանից բացի, մենք պարոն Կարայանից կոշիկի արդյունաբերության ռազմավարություն ենք սպասում, որի զարգացման համար մեծ պոտենցիալ կա»,- նշեց վարչապետը:
