Տեղային հայրենասիրությունը վտանգավոր է ՀՀ պետականության համար, դա վիրուս է: Այս մասին, այսօր՝ հունիսի 8-ին, ԱԺ-ում «ՀՀ վարչատարածքային բաժանման մասին» օրենքում փոփոխությունների օրինագծի եւ հարակից օրինագծերի փաթեթի քննարկման ժամանակ նշել է հայտարարել է ԱԺ «Ելք» խմբակցության ղեկավար Նիկոլ Փաշինյանը:
Նրա խոսքով, ամեն գյուղի բնակչություն համոզված է, որ ինքը Հայաստանում բացարձակապես առանձնահատուկ է: «Որ առանձնահատուկ մարդիկ են ապրում, որոնք կապ չունեն մնացած Հայաստանի հետ, որ մի նորագույն էթնոսի հիմք է հանդիսանում: Եթե այդ գյուղերին թույլ տանք, իրար մեջ նույնիսկ հսկիչ անցագրային կետեր եւ վիզային ռեժիմ կսահմանեն, որ Հայաստանի ուրիշ տարածքից առանց վիզայի իրենց գյուղ մտնելու հնարավորություն չլինի։ Որ մտնում ես՝ ասում ես՝ դե մեր գյուղը մի քիչ ուրիշ ձեւի գյուղ է, դուք չեք պատկերացնի»։
Փաշինյանը նշեց, որ շատ է շրջում մարզերում եւ ուզում է բոլոր մարզերի բնակչության «մտավախությունները» փարատել. «Մենք ունիտար ժողովուրդ ենք, այն առավելություններն ու թերությունները, որ ունեն գյումրեցիները, ունեն նաեւ կապանցիները։ Սա չի նշանակում, որ ոչ մի տարբերություն չկա, բայց, ասենք, երկու եղբայր իրարից ձայնով, դեմքի արտահայտությամբ են տարբերվում եւ այլն, բայց դա չի նշանակում, որ իրենք եղբայրներ չեն, այլ հարեւանի ընկերոջ բաջանաղի տղերք։ Այս տեղային հայրենասիրությունն ընդհանրապես պետք է արմատախիլ անել։ Իմ կարծիքով՝ դա մեր պետականության հիմքում դրված վիրուս է»։
Ինչ վերաբերում է համայնքների խոշորացման ծրագրին, Փաշինյանն ասաց, որ եթե պարզվի՝ դա էֆեկտիվ չէ, ի՞նչ է լինելու. «Ամեն մարզում ունենում ենք 4 խոշորացված համայնք, երաշխիքներ ունե՞նք, որ հետագայում մարզերը չենք խոշորացնելու, դարձնելու քաղաքներ»։
Գաղափարնինքը վատը չի, բայց պետք է համոզվածություն ունենանք, որ դա դրական արդյունք է բերելու:
