Կոտայքի մարզում, այսօր՝ հունիսի 8-ին, վրաերթ է տեղի ունեցել. ժամը 12։30-ի սահմաններոմ Nissan Teana մակնիշի 444 ԼԼ 70 համարանիշի ավտոմեքենայի վարորդը Հրազդան քաղաքում՝ Շահումյան փողոցում, վրաերթի է ենթարկել հետիոտնին։
Shamshyan.com-ի փոխանցմամբ, վարորդը ավտոմեքենայի համարանիշերը մեքենայի վրայից հանել է եւ դեպքի վայրից դիմել փախուստի, իսկ վրաերթի ենթարկվածը՝ Հրազդան քաղաքի բնակիչ 58-ամյա Վալերի Թ.-ն է, ով ծայրահեղ ծանր վիճակում տեղափոխվել է Հրազդանի բժշկական կենտրոն, որտեղ գիտակցության չգալով՝ մահացել է։
Աղբյուրի տվյալներով, ավտոմեքենան հաշվառված է Հրազդանի քաղաքապետարանի հաշվեկշռում եւ սպասարկում է Հրազդանի քաղաքապետ Արամ Դանիելյանին, իսկ ավտոմեքենան վարել է նրա որդին՝ Հրազդան քաղաքի Միկրոշրջան թաղամասի 8-րդ շենքի 11 բնակարանի բնակիչ՝ 17-ամյա Ռազմիկ Արամի Դանիելյանը։
Նշվում է, որ քաղաքապետի որդին ավտոմեքենան վարելու իրավունք չունի ու հիմա նրա հայրը փորձում է մեկ ուրիշին ներկայացնել՝ որպես վարորդ: