Թուրքիայի հարավ–արեւելյան Շրնաք նահանգում տեղակայված ռազմաբազայի ուղղությամբ քուրդ զինյալները հունիսի 9–ի երեկոյան հարձակում են իրականացրել։
Թուրքական Memurlar կայքի փոխանցմամբ՝ ռազմաբազայի դեմ հարձակման ժամանակ թուրք զինվորները պատասխան կրակ են բացել քուրդ զինյալների ուղղությամբ։
Սկսված բախման հետեւանքով սպանվել է 2 թուրք զինվոր, վիրավորվել՝ 3–ը։
Դեպքի վայր են մեկնել մեծ թվով թուրք զինվորականներ։ Միաժամանակ օդ են բարձրացել հարվածային ուղղաթիռներ, որոնցից մեկի ուղղությամբ քուրդ զինյալները հրթիռ են արձակել։
Վնասված ռազմական ուղղաթիռը հարկադիր վայրէջք է կատարել։
