Թուրքիայում ձերբակալվել է Amnesty International միջազգային իրավապաշտպան կազմակերպության տեղի մասնաճյուղի ղեկավար Թաներ Քիլիչը։ Նա ու եւս 22 իրավաբաններ այս շաբաթվա սկզբին ձերբակալվել են Իզմիրում։ Նրան մեղադրում են Ֆեթուլլահ Գյուլենի հետ կապ ունեցող ահաբեկչական կազմակերպությանն անդամակցելու մեջ, որին Թուրքիայի իշխանությունները մեղադրում են անցյալ տարվա հուլիսին հեղաշրջման փորձի մեջ։
«Թաներ Քիլիչի հասցեին մեղադրանքը ծաղր է արդարադատության նկատմամբ, որը ցույց է տալիս թուրքական ճնշման ապակառուցողական փորձերը (քաղաքացիական հասարակության) հուլիսյան հեղաշրջման փորձից հետո», - ասվում է Amnesty International-ի հայտարարությունում։
«Այդ մեղադրանքները ցույց են տալիս, թե որքան կամային ու արմատական են թուրքական կառավարության խելահեղ հետապնդումներն իր քննադատների ու նրանց նկատմամբ, որոնց նա թշնամի է համարում»,- ասել է Amnesty International-ի ղեկավար Սալիլ Շեթին՝ պահանջելով անհապաղ ազատ արձակել Քիլիչին ու հանել բոլոր մեղադրանքները։
