Ես բազմաթիվ երիտասարդ մարդկանց գիտեմ, որոնք շատ հարուստ մարդիկ են: Այս մասին, այսօր՝ հունիսի 12-ին, Երեւանի քաղաքապետարանում լրագրողների հետ զրույցում նշել է ՀՀ վարչապետ Կարեն Կարապետյանը՝ անդրադառնալով հարցին, թե ինչպես է ստացվել, որ Երեւանի քաղաքապետ Տարոն Մարգարյանը զբաղեցնելով միայն պետական պաշտոններ, երիտասարդ տարիքում մեծ հարստություն է կուտակել:
«Ես բազմաթիվ երիտասարդ մարդկանց գիտեմ, որոնք շատ հարուստ մարդիկ են, դա դրա հետ կապ չունի»,-ասաց նա:
Վարչապետը նշեց, որ եթե այդ հարցում որեւէ մեկը անօրիանակության վերաբերյալ փաստեր ունի, թող դիմի համապատասխան մարմիններին. «Ես չգիտեմ նրա եկամտի աղբյուրները եւ պարտավոր չեմ իմանալ»:
Հարցին, թե կարո՞ղ է մարդը հարստանալ քաղաքապետի աշխատավարձով, Կարեն Կարապետյանը պատասխանեց. «Քաղաքապետի աշխատավարձով՝ ոչ, այլ տարբերակներով՝ այո»:
