Տաջիկստանի նախագահ Էմոմալի Ռահմոնի Հայաստան պաշտոնական այցի շրջանակում մի շարք երկկողմանի փաստաթղթեր են ստորագրվել:
Փաստաթղթերը ստորագրվել են Հայաստանի նախագահ Սերժ Սարգսյանի նստավայրում երկու երկրների ղեկավարների հանդիպումից հետո:
Բանակցությունների արդյունքներով նաեւ համատեղ հայտարարություն է ընդունվել:
Հայաստանի եւ Տաջիկստանի ԱԳ նախարարները համաձայնագրեր են ստորագրել քաղաքացիների փոխադարձ վիզաների, օդային հաղորդակցության եւ 2 երկրների ԱԳ նախարարությունների 2018-19 թվականների համագործակցության ծրագրի մասին: Տանսպորտի նախարարները համաձայնագիր են ստորագրել հեռահաղորդակցության եւ փոստային փոխադրումների ոլորտում համագործակցության մասին: Կրթության եւ գիտության նախարարները համաձայնագիր են ստորագրել դիպլոմների փոխադարձ ճանաչման մասին:
Առողջապահության նախարարները համաձայնագիր են ստորագրել առողջապահության ոլորտում համագործակցության մասին: Սպորտի նախարարները՝ սպորտի ոլորտում համագործակցության մասին: Գլխավոր դատախազները համաձայնագիր են ստորագրել 2 երկրների գլխավոր դատախազությունների միջեւ համագործակցության մասին: Համագործակցության համաձայնագիր է ստորագրվել նաեւ Ազգային ակադեմիաների միջեւ: