Ես չեմ պատասխանի Պորոշենկոյի «անլվա Ռուսաստանի» վերաբերյալ արտահայտությանը հանուն ուկրաինացի ժողովրդի։ Այս մասին «Ուղիղ գծի» ընթացքում հայտարարել է Ռուսաստանի նախագահ Վլադիմիր Պուտինը՝ ի պատասխան նրա, որ Ուկրաինայի նախագահ Պյոտր Պորոշենկոն մեջբերել է ռուս բանաստեղծ Միխայել Լերմոնտովի ստեղծագործությունից մի հատված. «Մնաս բարով, անլվա Ռուսաստան՝ ստրուկների երկիր, տերերի երկիր»։
Պուտինի խոսքով՝ փաստը, որ Պորոշենկոն մեջբերել է Լերմոնտովին, արդեն գովելի է. «Դա խոսում է այն մասին, որ նա գիտի ռուս դասականներին։ Դա գովելի է»։ Նախագահը հիշեցրել է, որ Լերմոնոտովի՝ բանաստեղծությունը գրելու ժամանակ տարածքը, որն այսօր Ուկրաինա է կոչվում, պարզապես Ռուսաստանի մի մասն է եղել։
Պուտինն ուկրաինացի ազգայնականներին սվաստիկաներով վազող ապուշներ է անվանել։
Պուտինը Պորոշենկոյին հիշեցրել է, որ Եվրոպայում «կապույտ համազգեստավորներն» ավելի շատ են, քան Ռուսաստանում՝ ուկրաինացի գործընկերոջը խորհուրդ տալով Արեւմուտքում զգոնություն պահպանել։
