Երեւանի պետական համալսարանում հունիսի 16-ին ընթանում է «Թվապատում-2017. մեդիամենեջմենթ» թեմայով համաժողովը:
Երկօրյա համաժողովի ընթացքում Գերմանիայից, Ամերիկայի Միացյալ Նահանգներից, Լեհաստանից, Ռուսաստանից, Մեծ Բրիտանիայից ժամանած 6 առաջատար մասնագետներ կներկայացնեն թվային միջավայրում մեդիայի գոյատեւման, զարգացման եւ հաջողության միջազգային փորձը:
Համաժողովի ուշադրության կենտրոնում է մեդիայի փոփոխվող կերպարը եւ գործառույթները, ժամանակակից մեդիահարթակների ձեւավորման արդյունավետ եղանակները, դրամայնացման նոր միջոցները, լրատվամիջոցներ-սոցիալական մեդիա զուգորդումը, նաեւ հայկական մեդիատարածքի ներկան եւ հեռանկարները: