Կանխամտածված սադրանք Ադրբեջանի կողմից. զինված խումբը սպանել է Արցախի պաշտպանության բանակի զինծառայողներ: Այս մասին, Twitter-ի իր էջում գրել է ԱԳՆ խոսնակ Տիգրան Բալայանը:
«Բաքուն կրելու է հետագա զարգացումների պատասխանատվությունը»,-հավելել է նա:
Ավելի վաղ NEWS.am-ը հայտնել էր, որ հունիսի 16-ին՝ ժամը 18:05-ի սահմաններում, հակառակորդը հաստոցավոր հակատանկային նռնականետերից խախտել է հրադադարի պահպանման ռեժիմը ՊԲ կենտրոնական ենթակայության զորամասերից մեկի պահպանության տեղամասի ուղղությամբ, ինչի հետևանքով մահացու վիրավորումներ են ստացել ՊԲ զինծառայողներ Արայիկ Ռուդիկի Մատինյանը (ծնված 1997թ.), Վիգեն Ժիրայրի Պետրոսյանը (ծնված 1997թ.) և Վարդան Ծովակի Սարգսյանը (ծնված 1997թ.):
Բացի այդ, այսօր՝ հունիսի 17-ի առավոտյան ադրբեջանական կողմը հյուսիսային ուղղությամբ դիմել է հերթական սադրանքի, որի հետևանքով ժամը 09.40-ի սահմաններում մահացու հրազենային վիրավորում է ստացել ՊԲ զինծառայող, 1997թ. ծնված Նարեկ Տիգրանի Գասպարյանը:
