Մենք չենք մրցակցում Instagram-ի հետ, մենք մեր տեղն ունենք շուկայում: PicsArt ընկերություն Հայաստանի նախագահ Սերժ Սարգսյանի այցից հետո լրագրողների հետ զրույցում հայտնեց ընկերության հիմնադիր եւ տնօրեն Հովհաննես Ավոյանը:

Instagram-ը շարունակում է մնաց խոշորագույն ֆոտո-ծառայությունը, բայց այն, Ավոյանի խոսքով, փոքր-ինչ այլ նշանակություն ունի: «Instagram-ում լուսանկարներ չեն խմբագրում: Նման հնարավորություն նրանց մոտ, իհարկե, կա, բայց սահմանափակ է: Նրանց հիմնական նշանակությունը լուսանկարների հրապարակումն ու դրանք մյուսների հետ կիսվելն է: Իսկ մեր հիմնական հնարավորությունը լուսանկարները խմբագրելն է: Իհարկե՝ կա նաեւ Adobe-ը, բայց դրանից օգտվում են հիմնականում համակարգիչներից, այլ ոչ բջջային սարքավորումներից»,- նշեց Ավոյանը:

Նրա խոսքով՝ ընկերության հավելվածն արդեն ավելի քան 400 մլն անգամ ներբեռնել են, իսկ ակտիվ օգտատերերը շուրջ 90 մլն են: