Արցախի «Ազատ Հայրենիք» կուսակցությունը կարծում է, որ նոր պատերազմ սկսվելու դեպքում ՀՀ Ազգային ժողովը անմիջապես օրակարգ պետք է մտցնի Արցախի անկախության ճանաչման հարցը: Այս մասին, «Հայկական կուսակցությունների երրորդ ֆորում»-ի շրջանակներում, «Արցախպրես»-ի թղթակցի հետ զրույցում ասել է ԱՀ ԱԺ «Հայրենիք» խմբակցության ղեկավար Արթուր Թովմասյանը:
«Ադրբեջանի կողմից լայնածավալ պատերազմ սկսելու դեպքում՝ Արցախի հետ ռազմաքաղաքական դաշինք կնքելով՝ ՀՀ-ն դառնում է Արցախի ժողովրդի անվտանգության երաշխավորը»,- ասել է Ա. Թովմասյանը եւ հավելել, որ հարցը ֆորումի քննարկման օրակարգում է:
Խոսելով Արցախի եւ Հայաստանի միջկուսակցական հարաբերությունների մասին՝ Ա. Թովմասյանը նշել է, որ դրանք գտնվում են գործնական մակարդակի վրա, իսկ նման ֆորումները հնարավորություն են տալիս առկա խնդիրների վերաբերյալ հստակեցնել բոլոր տեսակետները եւ գտնել արդյունավետ լուծուման տարբերակները: