Լոնդոնի հյուսիսային Ֆինսբերի Փարք շրջանում մզկիթի մոտ բեռնատարը մխրճվել է երեկոյան աղոթքից վերադարձող մարդկանց բազմության մեջ: Ոստիկանության տեղեկացմամբ՝ ստացված վնասվածքներից մեկ մարդ տեղում մահացել է, 8 վիրավորի հիվանդանոց են տեղափոխել: Բեռնատարի վարորդը ձերբակալված է: Այս մասին հաղորդում է BBC-ի ռուսական ծառայությունը:
Վարչապետ Թերեզա Մեյն ասել է, որ ոստիկանությունը տեղի ունեցածը պոտենցիալ ահաբեկչություն է դիտարկում:
Մեծ Բրիտանիայի Մահմեդականների խորհրդի ղեկավար Հարուն Ռաշիդ Հանը Twitter-ում գրել է, որ վարորդը կանխամտացված է վրաերթի ենթարկել մարդկանց, որոնք վերադառնում էին երեկոյան աղոթքից: Նա նաեւ հաղորդել է, որ բեռնատարը մարդկանց վրաերթի է ենթարկել մզկիթից մի քանի տասնյակ մետր հեռավորությամբ՝ մահմեդականների սոցիալական օգնության կենտրոնի մոտ:
Բեռնատարի 48-ամյա վարորդը ձերբակալված է, իրավապահները շրջապատել են դեպքի վայրը, շտապ օգնության մեքենաներ են ժամանել:
