Փարիզի Լը Բուրժե ավիասրահում Airbus SE-ն ներկայացրել է A380plus օդանավի նոր տարբերակը։ «Ինտերֆաքս»-ի փոխանցմամբ՝ այս մասին հաղորդում է եվրոպական ավիաշինական կոնցերնի կայքը։ 

A380plus – ն ամենամեծ ուղեւորատար ինքնաթիռի կատարելագործված տարբերակն է։ Նոր «վինգլեթներ»-ի շնորհիվ, որոնք նման են շնաձկան լողակներին, թեւերի բացվածքն ավելի լայն է, ինչպես նաեւ արդյունավետ են ինքնաթիռի վերելքի պարագայում. դրանք ուժ են հաղորդում՝ նվազեցնելով թեւերի ծայրին դիմադրությունը։ 

Airbus SE-ն նախատեսում է A380-ի նոր պատվիրատուների ներգրավել։

Ավելի վաղ Airbus-ը հայտարարել էր A380-ի սրահի ձեւափոխման մասին, սակայն այդ որոշման արդյունքում օդանավի պահանջարկն այդպես էլ չի մեծացել։