Օրերս Լեռնային Ղարաբաղի Պաշտպանության բանակի 4 զինծառայողների մահը մեր քաղաքական գործիչների խղճի վրա է: Այս մասին հունիսի 19-ին՝ լրագրողների հետ հանդիպման ժամանակ ասաց Ադրբեջանի ԽՍՀ-ից Փախստականների համագումարի նախագահության անդամ Մարիամ Ավագյանը:
Նրա խոսքով՝ հայ քաղաքական գործիչները ոչ մի քայլ չեն ձեռնարկում եւ ազատագրված տարածքները նախկին տեսքով են պահպանում, իսկ ադրբեջանցիները ցանկանում են դրանք վերադարձնել: «Այսպես թե այնպես, անհրաժեշտ է այն մասին խոսել, թե ինչ ձեւաչափ է հարկավոր մշակել, որ այն հարմար լինի նաեւ հայկական կողմերին՝ խաղաղություն հաստատելու նպատակով»,- նշեց Ավագյանը:
Հիշեցնենք, որ հունիսի 16-ի երեկոյան ադրբեջանական կողմը հակատանկային նռնականետերի կիրառմամբ հրադադարի ռեժիմը խախտել է ԼՂՀ ՊՆ-ի կենտրոնական հրամանատարության զորամասերից մեկի պաշտպանական դիրքերի ուղղությամբ: Զոհվել են զինծառայողներ Արայիկ Մատինյանը՝ 1997 թվականին ծնված, Վիգեն Պետրոսյանը՝ 1997 թվականին ծնված եւ Վարդան Սարգսյանը՝ նույնպես 1997 թվականին ծնված: Հունիսի 17-ի առավոտյան Ղարաբաղի եւ Ադրբեջանի ԶՈւ-երի շփման գծի հյուսիսային ուղղությամբ ադրբեջանական կողմը հերթական սադրանքն է իրականացրել, որի հետեւանքով զոհվել է ԼՂՀ ՊԲ-ի զինծառայող Նարեկ Գասպարյանը՝ 1997 թվականին ծնված: