News
Լրահոս
News
Չորեքշաբթի
Դեկտեմբեր 13
Տեսնել լրահոսը

ԵԱՀԿ ՄԽ համանախագահների տարածաշրջան կատարած վերջին այցի  գլխավոր նպատակն էր քննարկել կողմերի դիրքորոշումը ղարաբաղյան հակամարտության խաղաղ կարգավորման գործընթացքում հետագա քայլերի վերաբերյալ՝ Մոսկվայում նախարարների մակարդակով կայացած եռակողմ հանդիպումից հետո, նաեւ քննարկել ընդհանուր իրավիճակը հակամարտության գոտում։ Այս մասին ասվում է համանախագահներ Իգոր Պոպովի, Ստեֆան Վիսկոնտիի ու Ռիչարդ Հոգլանդի հայտարարության մեջ, որն արվել է հունիսին տարածաշրջան կատարած այցելության արդյունքներով։

Հայտարարության մեջ նշվում է, որ միջնորդները հանդիպել են Հայաստանի նախագահ Սերժ Սարգսյանի հետ Երեւանում ու Ադրբեջանի նախագահ Իլհամ Ալիեւի հետ՝ Բաքվում։ Երկու մայրաքաղաքներում էլ անցկացվել են նաեւ խորհրդակցություններ արտաքին գործերի ու պաշտպանության նախարարների հետ։ Համանախագահները նաեւ մեկնել են Լեռնային Ղարաբաղ հունիսի 12-ին , որպեսզի հանդիպեն դե ֆակտո իշխանությունների հետ ու այցելել են Լեռնային Ղարաբաղի շուրջ մի շարք տարածքներ, այդ թվում Զանգելանը, Կուբաթլին, Լաչինը ու Քելբաջարը։ Բաքվում նրանք նաեւ հանդիպել են Լեռնային Ղարաբաղի ադրբեջանական համայնքի հետ։

Միջնորդները նշում են, որ Բաքվում բանակցությունների ընթացքում իրենք խորը մտահոգություն են հայտնել հրադադարի վերջին խախտումների կապակցությամբ, ինչը շփման գծում հանգեցրել է զոհերի՝ Ադրբեջան իրենց այցելության նախօրեին։  «Նրանք դիմել են Ադրբեջանի ղեկավարությանը՝ կոչ անելով խուսափել հետագա էսկալացիայից։ Համանախագահները նույն ուղերձն են հասցեագրել նաեւ Հայաստանի ղեկավարությանը ու Լեռնային Ղարաբաղի դե ֆակտո իշխանություններին։ Նրանք կողմերին կոչ են արել դիտարկել այն միջոցառումները, որոնք կհանգեցնեն լարվածության նվազմանը շփման գծում ու Հայաստանի ու Ադրբեջանի միջեւ միջազգային սահմանին»,- ասվում է հայտարարության մեջ։

Երկու մայրաքաղաքներում էլ համանախագահները կողմերին կոչ են արել նորից  միանալ բանակցություններին՝ բարեխղճորեն, ըստ էության ու քաղաքական կամքով։ Նրանք շեշտել են, որ դա է կայուն խաղաղություն ապահովելու միակ միջոցը տարածաշրջանի բնակիչների համար, որոնք սպասում են ու արժանի են առաջխաղացման ղարաբաղյան կարգավորման գործընթացում։ Նախագահները մտադրություն են հայտնել վերսկսել քաղաքական երկխոսությունը՝ փորձելով փոխզիջումային լուծում գտնել՝ կարգավորման առավել վիճակահարույց հարցերի շուրջ։

Հայտարարության մեջ նշվում է, որ հուլիսի 3-ին միջնորդները կմեկնեն Վիեննա, որտեղ ՄԽ-ին կտեղեկացնեն իրենց այցելության մասին։ Նրանք նաեւ ծրագրում են շուտով հանդիպել Ադրբեջանի ու Հայաստանի ԱԳ նախարարների հետ, որպեսզի քննարկեն գալիք աշխատանքների պայմանները։ 

!
Այս նյութը հասանելի է նաև   English, Русский and Türkçe
Տպել
Կարդացեք նաև
Ամբողջ
Կանադայի պատգամավորը կոչ է անում կառավարությանը կանխել ղարաբաղյան հակամարտության հետագա խորացումը
Խոսելով այս տարի ամռանը տարածաշրջան կատարած իր այցի մասին՝ Կլեմենտը նշել է, որ տեսել է մարդու իրավուքների սարսափելի խախտումներ...
Ղարաբաղյան հակամարտությունը բնավ «սառեցված» չէ․ Ֆրանսիայի դեսպան
Հակամարտությունը չունի ռազմական լուծում․․․
Կոռուպցիոն սկանդալ․ Ադրբեջանը հիմա էլ գնել է «The West Australian» պարբերականը
Հաղորդավարը անդրադարձել է նաեւ «Ադրբեջան լվացքատուն» կոռուպցիոն սկանդալին․․․
Լուկաշեւիչ. Հունվարին սպասվում է Հայաստանի եւ Ադրբեջանի ԱԳ նախարարների հանդիպումը
Տարվա միտումը հուսադրող է, եւ Ավստրիան Իտալիային գործերի լավ վիճակ է փոխանցում…
Արցախ այցելած թուրք մտավորականները ներողություն չեն խնդրել Ադրբեջանից․ հայտարարություն
Օրեր առաջ Թուրքիայի ԱԳ նախարարը հայտարարել էր, թե իբր մտավորականները ներողություն են խնդրել Ադրբեջանից․․․
«168 ժամ». Ռուսաստանը դեռ փորձելու է ստանալ Ադրբեջանը. պետք է աչալուրջ լինել
Թուրքիան կշարունակի միջամտել...
Ամենաշատ
Ֆոտոռեպորտաժներ
Partner news