Տղամարդը, որը Ելիսեյան դաշտերում մեքենայով մխրճվել էր ոստիկանական ֆուրգոնի մեջ, ամենայն հավանականությամբ, զոհվել է։ Այս մասին հայտնում է Reuters –ը՝ վկայակոչելով ֆրանսիական ոստիկանությունը։
Նշում են, որ միջադեպի հետեւանքով ոչ մի ոստիկան, կամ անցորդ չի տուժել։ Վարորդը բախվել է ոստիկանական մեքենային, երբ փորձում էր առաջ անցնել դրանից։ Բախումից հետո նրա մեքենան հրկիզվել է։ Ոստիկանությունում համարում են, որ տղամարդը դա միտումնավոր է արել։ Միջադեպի հետաքննությամբ զբաղվելու է հակաահաբեկչական վարչությունը։ Հայտնում են, որ վարորդը զինված է եղել։ Նրա մեքենան խուզարկվում է՝ պայթուցիկ նյութի առկայությունը պարզելու նպատակով։
Դեռ հասկանալի չէ, թե ինչ հանգամանքներում է զոհվել հարձակվողը։ Ավելի վաղ ոստիկանությունը հավաստիացնում էր, որ նա ձերբակալված է եղել։ Սակայն հետագայում պարզվել է, որ նա զոհվել է անվտանգության ուժերի աշխատակիցների վրա հարձակման փորձի հետեւանքով, հայտնում է AP-ն։