«Բրեքսիթի» մասին Բրիտանիայի ու ԵՄ-ի միջեւ բանակցությունները խոստումնալից են սկսվել։ Այս մասին հայտնել է Բրիտանիայի «բրեքսիթի» հարցերով նախարար Դեւիդ Դեւիսը, հայտնում է BBC-ն։
Նա նշել է, որ ուշադրության կենտրոնում են քաղաքացիների իրավունքների, ֆինանսական կարգավորման ու այլ հարցեր։ Բանակցությունները միտված են Բելֆասթի համաձայնագրի ու Իռլանդիայում ընդհանուր տրանսպորտային տարածքի պահպանմանը։
ԵՄ ներկայացուցիչ Միշել Բարնյեն նշել է, որ ԵՄ-ն մտադիր չէ պատժել Բրիտանիային միությունը լքելու որոշման համար, բայց որոշակի հետեւանքները անխուսափելի են, ու դրանք պետք չէ թերագնահատել։ Խոսքը ֆինանսական, սոցիալական ու այլ հետեւանքների մասին է։ Ընդ որում նա նշել է, որ ինքը կձգտի, որպեսզի զգացմունքներով չառաջնորդվեն գործընթացում ու որպեսզի հետեւանքները նվազագույնի հասցվեն։
