Christie’s աճուրդի տունը վաճառել է Apple-ի 1976 թվականի առաջին աշխատունակ 6 համակարգիչներից մեկը: Այն վաճառվել է 355 հազար դոլարով, հայտնում է CNET-ը:
Համակարգիչը մշակել եւ հավաքել է Apple-ի համահիմնադիր Սթիվ Վոզնյակը` անձնական օգտագործման համար: Համակարգիչը պատրաստի պլատայի տեսքով վաճառվում էր 666,66 դոլարով (ըստ լեգենդի` այս գինը սահմանել էր Վոզնյակը, որը սիրում էր «կրկնվող թվերը»): Օգտատերը պետք է ինքնուրույն հայթայթեր պատյանը, էկրանը, ստեղնաշարը եւ սնուցման աղբյուրը:
Ընդամենը թողարկվել է մոտ 200 Apple I: Ներկայումս պահպանվել է ընդամենը 63 համակարգիչ, որոնցից 6-ը աշխատունակ են:
