ԵԱՀԿ Մինսկի խումբը հասցեական հայտարարություններից պետք է անցում կատարի դատապարտող հայտարարությունների։ Այս մասին հունիսի 21-ին հայտարարեց Գլոբալիազացիայի եւ տարածաշրջանային համագործակցության վերլուծական կենտրոնի ղեկավար Ստեփան Գրիգորյանը՝ ելույթ ունենալով «Պատերազմը զսպելու փո՞րձ։ ԵԱՀԿ Մինսկի խմբի համանախագահների հայտարարությունների շեշտադրումները» թեմայի շուրջ քննարկումներում։
Նրա խոսքով՝ անցյալ տավա ապրիլյան իրադարձություններից հետո մենք պետք է հասկանանք, թե ում հետ գործ ունենք։ «Ադրբեջանը կանխատեսելի է միայն այն տեսանկյունից, որ կոշտ քաղաքականություն կվարի, դիպուկահարներ կօգտագործի, իսկ մենք պետք է ադեկվատ քայլեր ձեռնարկենք»,-նշեց Գրիգորյանը։
ԵԱՀԿ Մինսկի խմբի հասցեական հայտարարությունից հետո, երբ նրանք հստակ նշեցին, թե ով է կրակել, վերջին հայտարարությունն ավելի չեզոք էր, ընգծեց քաղաքագետը։ «ԵԱՀԿ Մինսկի խումբը հասցեական հայտարարություններից պետք է անցում կատարի դատապարտող հայտարարությունների։ Դա անհրաժեշտ է, որ ԵԱՀԿ ՄԽ-ն չկորցնի հեղինակությունը», - հավելեց Ստեփան Գրիգորյանը։
