Անհրաժեշտ ա հասկանալ՝ 2018թ. վարչապետն ով է լինելու, այնուհետեւ քննարկել կառավարության ներկայացրած հնգամյա գործունեության ծրագիրը: Այս մասին այսօր՝ հունիսի 21-ին, Ազգային Ժողովում իր ելույթի ժամանակ ասաց ԱԺ «Ելք» խմբակցության պատգամավոր Էդմոն Մարուքյանը:
«Մենք ուզում ենք հասկանալ՝ ում հետ գործ ունենք, այնուհետեւ քննարկել Կառավարության ծրագիրը: Այս պահին միայն տեսնում ենք ապաքաղաքական քաղաքականություն, որն իրականցվում է այս կառավարության կողմից: Եթե դուք միայն մի ԱԺ խմբակցության հետ չեք կարողանում հանդիպում կազմակերպել, ինչի՞ մասին է խոսքը, պարոն վարչապետ, ինչ ակնկալիքներ ունենանք»,-ասաց նա:
Մարուքյանը նաեւ թվարկեց 2017թ. վարչապետի պաշտոնական այցերը, որոնք նրա խոսքով, միայն ԵԱՏՄ երկրներ են եղել:
«Ռուսաստան, Ղրղզսդտան, Վրաստան...Ծրագրում Դուք խոսում եք ներդրումների մասին, բայց ինչի՞ մասին է խոսքը, որտղի՞ց պետք է այդ ներդրումները բերեք, եթե միայն ԵԱՏՄ-ական երկրներ եք այցելել: Ո՞վ պետք է այդ ներդրումները բերի Հայաստան»,-ասաց նա:
