Երեւանի Բաբաջանյան փողոցում հնչած կրակոցների հետեանքով գլխի շրջանում հրազենային վնասվածք ստացած 23-ամյա երիտասարդը «Աստղիկ» բժշկական կնետրոնից դուրս է գրվել: NEWS.am-ի հետ զրույցում հիվանդանոցի գլխվավոր բժիշկ Ռոբերտ Կուրղինյանը նշեց, որ 23-ամյա Արման Հովսեփյանը դեպքի օրը համապատասխան բուժօգնություն ստանալուց հետո դուրս է գրվել հիվանդանոցից: Նա չի ցանկացել մնալ հիվանդոցում:
Ավելի վաղ տեղեկացրել էինք, որ Երեւանում հունիսի 21-ին, կրակոցներ են հնչել: Ժամը 13:10-ի սահմանում նշված հասցեի մոտ Արման Հովսեփյանն ու նրա եղբայրը՝ նույն հասցեի բնակիչ, 26-ամյա Արթուր Հովսեփյանը, ով աշխատում է «Ավեստաս» ՍՊԸ-ում, անհայտ անձի հետ վիճաբանություն են ունեցել, որի ժամանակ էլ իրենց անծանոթ անձը կրակել է Արմանի գլխին:
Ժամեր անց ոստիկանություն է ներկայացել 25-ամյա Խդր Ամոյանը եւ խոստովանել, որ ինքն է վիճաբանության ժամանակ ծեծի ենթարկել եղբայրներին, որի ընթացքում էլ իր մոտ եղած գազային ատրճանակով կրակոցներ է արձակել:
