Շիրակի մարզպետարանն ուսումնասիրություններ է իրականացնում Արթիկում՝ հունիսի 22-ի երեկոյան բնակելի շենքի արտաքին պատի փլուզուման հետ կապված: NEWS.am-ին այսօր՝ հունիսի 23-ին, մարզպետարանի մամուլի ծառայությունից հայտնեցին, որ դեպքից անմիջապես հետո մարզպետ Արթուր Խաչատրյանն ու տարածքային վարչության պետը մեկնել են Արթիկ, այժմ այնտեղ են նաեւ մարզպետի տեղակալն ու քաղաքաշինության վարչության պետը: Թե ինչ օգնություն է ցուցաբերվելու փլուզումից տուժած քաղաքացիներին, մարզպետարանից նշեցին, որ կատարվածի վերաբերյալ դեռ մանրամասներ չեն կարող հաղորդել, միչեւ պաշտոնյաները չվերադառնան:
Նշենք, որ Արթիկ քաղաքի Սասունցի Դավթի փողոցի թիվ 13 շենքի արտաքին պատի փլուզման հետեւանքով տարհանվել է 20 բնակիչ, որոնք այժմ բնակվում են բարեկմաների տանը: Իսկ 11 բնակիչ (4 անչափահաս) շարունակում են գտնվել շենքի անվտանգ հատվածում:
Ավելի վաղ տեղեկացրել էինք, որ Արթիկում փլուզվել է բնակելի շենքի արտաքին պատը, որի հետեւանքով բնակիչները տարհանվել են: