Բարդ հաղորդակցական հնարավորությունները զգալիորեն բարձրացնում են Հայաստանից ապրանքների արտահանման արժեքը։ Այս մասին հունիսի 23-ին լրագրողների հետ հանդիպմանն ասաց Հայաստանի հանրապետական կուսակցության պատգամավոր, ԱԺ Ֆինանսավարկային եւ բյուջետային հանձնաժողովի նախագահ Գագիկ Մինասյանը։
Նրա խոսքով՝ արտասահմանից ներդրումներ ներգրավելու տեսանկյունից երկրորդ կարեւոր հանգամանքը Ադրբեջանի հետ չհայտարարված եւ անավարտ պատերազմն է, որը նվազեցնում է Հայաստանի ներդրումային գրավչությունը։
Հիշեցնենք, որ հունիսի 22-ին Ազգային ժողովը 64 կողմ ձայնով ընդունեց 2017-2022 թվականների Կառավարության ծրագիրը։ Գործադիր մարմնի ծրագրի համաձայն՝ ներդրողների շահերի պաշտպանության հետեւողական քայլեր են նախատեսվում՝ համապատասխան օրենսդրական բազայի կատարելագործման, ինչպես նաեւ կառուցվածքային բարեփոխումների նախաձեռնությամբ։ Կառավարությունը կաջակցի ներդրումային ծրագրերին։