Եվրոպական Միությունում հայ արտահանողների համար GSP+-ը, 2016 թվականի տվյալներով, նշանակում է սակագնային արտոնություններ՝ 8,7 մլն եվրո տնտեսելու տեսքով։ Այս մասին հունիսի 23-ին լրագրողների հետ զրույցում հայտարարեց Եվրոպական արտաքին հարաբերությունների առեւտրի հարցերով խորհրդական Հուուս Հութուինը, որը ղեկավարում է Հայաստանում GSP+-ի մոնիթորինգային առաքելությունը։
Նրա խոսքով՝ GSP+-ն դրանով չի սահմանափակվում։
«Մեր այցի նպատակն է մոնիթորինգ անցկացնել, որպեսզի փոխարենը Հայաստանը հետագայում կատարի իր պարտականությունները, որոնք ստանձնել է տարբեր ոլորտներում 27 միջազգային կոնվենցիայի շրջանակում՝ աշխատանքային իրավունքներ, շրջակա միջավայրի պահպանություն, մարդու իրավունքներ։ Մեր պատվիրակության աջակցությամբ մենք տեղում կարողացանք խորապես եւ մանրամասն ուսումնասիրել իրադրությունը, հանդիպումներ ենք անցկացրել քաղաքացիական հասարակության ներկայացուցիչների հետ, ինչպես նաեւ քննարկումներ իրականացրել Կառավարության հետ Հայաստանում Օմբուդսմենի եւ ստեղծվող հակակոռուպցիոն հանձնաժողովի գործառույթների մասին»,-նշեց Հուուս Հութուինը։
