Բրյուսելում Աբու Դաբիից արքայադստրերը դատապարտվել են պայմանական ազատազրկման ու տուգանքների, նրանց մեղադրում են մարդկանց առեւտրի ու իրենց ծառաների հետ նվաստացուցիչ վարվեցողության մեջ։ Reuters-ի փոխանցմամբ, արքայադստրերը Աբու Դաբիի իշխող ալ Նախյան ընտանիքից են։

Այդ գործով քննությունը մոտ 10 տարի առաջ էր սկսվել, երբ սպասուհիներից մեկը փախել էր հյուրանոցից ու դիմել ոստիկանություն։

Հունիսի 23-ին դատարանը վճռել է, որ արքայադստրերը 15 ամսվա պայմանական ազատազրկման են դատապարտվում։ Դաժան վարվեցողության մեղադրանքի մասով նրանք արդարացվել են, այդուհանդերձ արքայադստրերը պետք է 165․000 եվրոյի չափով տուգանք վճարեն։