Սաուդյան Արաբիայի իշխանությունները հայտնել են ահաբեկչությունը կանխելու մասին, որի թիրախում Մեքքայի ալ-Հարամ մզկիթն էր։
BBC-ի հաղորդմամբ՝ հարձակումը պատրաստելու մեջ կասկածյալը ինքն իրեն պայթեցրել է, երբ ոստիկանները շրջափակել են շինությունը, որտեղ նա էր գտնվում, հաղորդում է երկրի ներքին գործերի նախարարությունը։
Շինությունը, որտեղ գտնվել է կասկածյալը, պայթյունի հետեւանքով փլուզվել է։ 11 մարդ վիրավորվել է, ներառյալ՝ իրավապահներ։ Ոստիկանությունը եւս 5 կասկածյալի է ձերբակալել։ Այլ մանրամասներ Սաուդյան Արաբիայի իշխանությունները չեն հաղորդում։
