Տոկիոն խոստանում է արագացնել Եվրամիության երկրների հետ ազատ առեւտրի պայմանագրի ստորագրման նախապատրաստական գործընթացը։ «ՏԱՍՍ»-ի փոխանցմամբ՝ Ճապոնիայի վարչապետ Սինձո Աբեն հայտարարել է, որ մտադիր է ջանքեր գործադրել՝ վերջնական համաձայնագրի ստորագրելու նպատակով համաձայնեցման եզրափակիչ փուլն արագացնելու համար։

Այս շաբաթ Ճապոնիայի արտաքին գործերի նախարար Ֆումիո Կիսիդան հեռախոսազրույց է ունեցել առեւտրի հարցերով եվրահանձնակատար Սեսիլիա Մալմստրեմի հետ։ Կողմերը քննարկել են հուլիսին G20 գագաթնաժողովում Ճապոնիայի եւ ԵՄ ղեկավարության հանդիպման նախապատրաստական աշխատանքները։