Հոլանդացի երկու լրագրողները Կոլումբիայում ազատ են արձակվել, հաղորդում է Reuters-ը։ Կոլումբիական ձախարմատական Ազգային ազատագրության բանակ կազմակերպությունն ազատ է արձակել 62-ամյա Դերք Յոհանես Բոլթին եւ 58-ամյա Էուջենիո Էրնեստ Մարի Ֆոլենդերին, որոնք առեւանգվել էին այս շաբաթվա սկզբում։
Նշվում է, որ Ազգային ազատագրության բանակը հաճախ է առեւանգում ինչպես կոլումբիացիների, այնպես էլ օտարերկրացիների՝ փրկագին ստանալու եւ քաղաքական ճնշման նպատակով։