Հեյդար Ալիեւի հուշարձանի գրաֆիտիի հեղինակներից մեկը՝ NİDA ակտիվիստ Բայրամ Մամեդովը հացադուլ է սկսել գաղութում, որտեղ կրում է պատիժը։ Այս մասին Turan-ին հայտնել է ակտիվիստի հայրը՝ Ֆարման Մամեդովը։
Նրա խոսքով՝ հացադուլը կապված է կալանքի պայմանների հետ։ Բայրամը բողոքարկել է իրեն զուգարանի կողքի խցում տեղավորելու դեմ՝ հայտարարելով, որ ազատված խցերը աշխատակազմը կալանավորներին վաճառում է։
Բայրամ Մամեդովն ու Գիաս Իբրահիմովը ձերբակալվել են 2016 թվականի մայիսի 10-ին, երբ Հեյդար Ալիեւի հուշարձանին քաղաքական կարգախոսներ են մակագրել։