Եթե իշխանությունը փոխվեց, ավելի մեծ կոռուպցիա կլինի: Այս մասին NEWS.am-ի հետ զրույցում ասել է ՀՀԿ խմբակցության պատգամավոր Գալուստ Սահակյանն՝ անդրադառնալով կոռուպցիայի կանպարգելման հանձնաժողովի ստեղծմանը:
«Միայն այդ հանձնաժողովով հնարավոր չի կոռուպցիան վերացնել: Այն դատախազության, դատարանի դեր չի կատարում»,ասել է պատգամավորը:
Գալուստ Սահակյանը պնդել է, թե կոռուպցիան ավելի կխորանա Հայաստանում, եթե իշխանությունը փոխվի:
«Հենց իշխանությունը փոխվեց, ավելի մեծ կոռուպցիա կլինի: ՀՀԿ-ն կոռուպցիայով չի զբաղվում , ՀՀԿ-ն 150 հազար անդամ ունի, կարող է լինեն մարդիկ, որ կոռուպցիայով են զբաղվում, բայց էն մարդիկ, որ կուսակցությունը առաջ են տանում, չեն զբաղվում»,- ասել է նա: