Հայաստանում ավելի ու ավելի շատ չրերի արտադրություն է հիմնվում: NEWS.am-ի թղթակցի հետ զրույցում այս մասին հայտարարեց Հայաստանի Չիր արտադրողների միության նախագահ Սանդրո Աբովյանը:
Չրերի տեղական պահանջարկը գրեթե ամբողջությամբ բավարարված է: Եթե Ռուսաստանից պահանջարկ չլիներ, ըստ Աբովյանի, շուկան առաջընթաց չէր ունենա:
Ռուսաստանցի գնորդները նախկինի պես իրենց սեղանին ուզում են հայկական չրեր տեսնել՝ չնայած վերջին շրջանում նրանց եկամուտները զգալիորեն նվազել են եւ առաջնային անհրաժեշտություն չհամարվող ապրանքներ սկսել են ավելի քիչ գնել (բացի այդ՝ թուրքական չրերն ավելի էժան են):
«Բայց պահանջարկն ավելանում է: Այս տարի ավելի շատ են ինձ դիմել՝ փորձելով հասկանալ, թե որտեղ կարող են միրգ չորացնելու սարքեր ձեռք բերել: Ընդ որում՝ արդյունաբերական, այսինքն՝ մի քանի հարյուր կիլոգրամ հզորությամբ»,- նկատեց Աբովյանը:
«Ամեն դեպքում, մեր արտադրանքի ծավալներն այնքան էլ մեծ չեն, Ռուսաստանի համար դա կաթիլ է ծովում: Այո՛, մեր չրերը թուրքականից ավելի էժան են, բայց մենք այլ կերպ չենք կարող: Մենք կարող ծավալներով մրցակցել նրանց հետ: Մնում է մրցակցել միայն որակով»,- նշեց նա:
Նշենք, որ առայժմ Հայաստանից չրերի արտահանման ծավալները փոքր են: 2016 թվականին այն կազմել է 37.3 տոննա (164 հազար դոլար): Դրա հիմնական մասը՝ 30.4 տոննան, արտահանվել է Ռուսաստան:
