Եգիպտոսի նախագահ Աբդել Ֆաթթահ ալ-Սիսին վավերացրել է Սաուդյան Արաբիայի հետ ծովային սահմանների սահմանագծման մասին համաձայնագիրը, որով Կարմիր ծովում գտնվող երկու անմարդաբնակ կղզիներ Էր Ռիադին են փոխանցվում: Այս մասին գրում է Reuters-ը՝ վկայակոչելով Եգիպտոսի կառավարության հայտարարությունը:
Նշենք, որ համաձայնագիրը բողոքի ալիք է բարձրացրել եգիպտական ընդդիմության շրջանում, որն այն դավաճանություն է որակել:
Համաձայնագրի շրջանակում Եգիպտոսը Սաուդյան Արաբիայից որպես օգնություն միլիարդավոր դոլարներ է ստանալու: