Այսօր՝ հունիսի 25-ին, ժամը 11:08-ին, խոշոր ավտովթար է տեղի ունեցել Վրաստանում. Վթարի է ենթարկվել Երեւան-Մոսկվա ավտոբուսը։
Հայաստանի ԻՆ-ի փոխանցմամբ, Վրաստանի ՆԳՆ ԱԻ դեպարտամենտից նախնական տեղեկություն է ստացվել, որ Թբիլիսի-Գարդաբանի ավտոճանապարհի 35-րդ կմ-ին Մոսկվա-Երեւան երթուղին իրականացնող «Scania» մակնիշի 97 DT 777am պետհամարանիշով ավտոբուսը (վարորդ՝ Ա. Հ.) բախվել է «Nissan Tiida» մակնիշի IL100KA պետհամարանիշով ավտոմեքենային (վարորդ՝ Էթերի Գավաշելիշվիլի):
Shamshyan.com-ի փոխանցմամբ, վթարի ենթարկված ավտոբուսի ուղեւորները նշել են. «Ավտոբուսով շարժվում էինք դեպի Թբիլիսի, երբ Nissan Tiida» մակնիշի IL100KA համարանիշով ավտոմեքենան (վարորդ՝ Էթերի Գավաշելիշվիլի) ստեղծեց վթարային իրավիճակ, ավտոբուսը բախվեց Nissan-ին, այնուհետեւ հաստաբուն ծառին եւ կողաշրջվեց: Ավտոբուսում կային 30-ից ավելի ուղեւորներ, որոնցից մի քանի հոգին մարմնական վնասվածքներ են ստացել ու հիմա ահազանգել ենք Վրաստանի համապատասխան ծառայություններ, ովքեր ժամանում են դեպքի վայր»:
Աղբյուրի տեղեկություններով, մարդատար Scania ավտոբուսը հաշվառված է Երեւան քաղաքի 16 թաղամասի բնակիչ, 29-ամյա Ալբերտ Մովսիսյանի անվամբ:
