«Սասնա Ծռեր» զինված խմբի 18 անդամի գործով դատավարությունը նույնպես կանցկացվի արտագնա:

NEWS.am-ը Դատական տեղեկատվական համակարգից տեղեկացավ, որ գործով առաջին նիստը տեղի կունենա հուլիսի 3-ին: Նիստն արտագնա է լինելու. Էրեբունի եւ Նուբարաշեն վարչական շրջանների ընդհանուր իրավասության դատարանի վարույթում քննվող գործով նիստերն անցկացվելու են Երեւանի Ավան եւ Նոր Նորք վարչական շրջանների ընդհանուր իրավասության դատարանում: Նշենք, որ վերը նշված դատարանում հատուկ «Սասնա Ծռերի» գործը քննելու համար դահլիճն ապակեպատ են դարձրել:

Հիշեցնենք, որ «Սասնա Ծռերի» 14 անդամի գործով նիստերը նույնպես անցկացվում են Ավան եւ Նոր Նորք վարչական շրջանների ընդհանուր իրավասության դատարանում: